Ang Pilipinas ay parang isang kalsada,
Maayos at maganda
Sa tuwing bago at pagkatapos
Ng halalan.
Nagpapasikat ang lahat,
Paramihan ng nakumpuni’t nagawa.
Ngunit sa paglipas ng panahon
Nagiging butas-butas at nababaon
Dahil dinadaanan
Ng mga bigating sasakyan
Na paroo’t parito
Kahit wala namang punto.
At tuwing papalapit ang Mayo,
Aayusin at pagagandahin muli ito
Ng mga taong lulan
Ng mga bigating sasakyan
Na paroo’t parito
Kahit wala namang punto.
obrangmaestra 